Note 7 ရောင်းရက်ရွှေ့လိုက်သော်လည်း ကြိုတင်အမှာဖြင့် ၀ယ်ထားသူများမနစ်နာရန် ဆောင်ရွက်မည်ဟုဆို

 ဆမ်ဆောင်း၏နောက် ဆုံးထုတ်ကုန် Galaxy Note 7 စတင်ရောင်းချမည့်ရက်ကို ရွှေ့ဆိုင်းလိုက်ပြီး ကြိုတင်အမှာ (Pre-Order)ဖြင့် ၀ယ်ယူထားသူများနစ်နာမှုမရှိစေရန် စီစဉ်မည်ဟု သတင်းရရှိသည်။

Galaxy Note 7ကို နိုင်ငံတကာ ဈေးကွက်အချို့တွင် ပြန်လည်သိမ်းဆည်းမှုရှိခဲ့ပြီး ပြည်တွင်းဈေးကွက်၌ မူလက စက်တင်ဘာ၁၁ ရက်တွင် ရောင်းချမည့် အစီအစဉ်ကို ရွှေ့ဆိုင်းခဲ့သည်။ Pre-Order ဖြင့် ၀ယ်ယူထားသူများ စိတ်ပူပန်မှုမရှိစေရန်နှင့် အဆင်ပြေအောင်လုပ်ပေးမည်ဟု ဆမ်ဆောင်းမြန်မာမှ IT& Mobile ဌာနအကြီးအကဲဦးဇာနည်ဝင်းထက်ကပြောသည်။

‘‘အမေရိကန် ကိုရီးယားနဲ့ ထိုင်ဝမ်ဈေးကွက်တွေမှာ ဘက် ထရီပြဿနာတက်သွားတာပေါ့။ ဒီက Note 7 အားပေးထားတဲ့သူ တွေ အတွက်လည်း အဆင်ပြေ အောင်လုပ်ပေးသွားမှာပါ။ အဲဒါ နဲ့ပတ်သက်ပြီး လာမယ့်တနင်္လာ နေ့မှာ သတင်းစာရှင်းလင်းပွဲလုပ် ဖို့ စီစဉ်နေပါတယ်။ ၀ယ်ယူထား သူအားလုံးကို စိတ်မပူကြဖို့ပြော ချင်ပါတယ်’’ဟု ဦးဇာနည်ဝင်း ထက်ကပြောသည်။

ဘက်ထရီဆိုင်ရာပြဿနာ နှင့် ချို့ယွင်းချက်များဖြစ်ပေါ်ရ ခြင်းအကြောင်းရင်းမှာ Galaxy Note 7တွင်ပါရှိသည့် မူလအား သွင်းကြိုးဖြင့် အားသွင်းခြင်းမျိုးမ ပြုလုပ်ဘဲ အခြား Third Party အားသွင်းကြိုးကို အသုံးပြုခြင်း ကြောင့်ဖြစ်သည်ဟု ဦးဇာနည်ဝင်း ထက်ကပြောသည်။

ပြည်တွင်းဈေးကွက်တွင် Galaxy Note 7ကို ကျပ်ကိုးသိန်းနှစ်သောင်းဖြင့် ရောင်းချမည်ဟု သြဂုတ် ၁၂ရက်က တရားဝင်မိတ်ဆက်ပြီး လက်ရှိတွင် Pre-Order ဖြင့် ၀ယ်ယူထားသူအရေအတွက် အတိအကျကို ထုတ်ဖော်ပြောဆိုနိုင်ခြင်းမရှိသော်လည်း အလုံးရေရာဂဏန်းရှိနေပြီဟု သတင်းရရှိသည်။